Deputeti i opozitës parlamentare, Halit Valteri tha këtë të hënë nga foltorja e Kuvendit se Shqipëria është një vend i pajetueshëm, ndërsa iu drejtua me një thirrje të gjithë votuesve.

 

Ai kërkoi që qytetarët shqiptarë të dënojnë me votë në zgjedhje parlamentare të 25 prillit mashtruesit dhe të korruptuarit.

 

“Shqipëria nuk është shtet i jetueshëm. Duhet të kemi ligj të specifikuar për azilantët. Emigrimin e kemi vuajtur mbi shpinë. Azilantët në vend nuk vijnë për të bërë jetesë, sepse këtu po ikin vetë shqiptarët. Tre politikanë janë këtu që kur isha fëmijë. Qytetarë shqiptarë, mendoni për veten tuaj. Korrupsioni në vend është kthyer në sistem. As Monika Kryemadhi dhe as Basha nuk mund të pretendojnë se janë alternativa të reja. Në duart e politikanëve të korruptuar shqiptarë janë dy e treta e pasurisë sonë në total. Edhe 21 janari, ata që vranë janë në poste shtetërore. Të gjithë politikanët duan të vjedhin. Më 25 prill dënoni mashtruesit”, deklaroi Valteri./ Vizion Plus

Leave a Reply

Your email address will not be published. Required fields are marked *