Në kuadër të mbledhjes së përbashkët mes dy qeverive Kosovë-Shqipëri, u nënshkrua edhe një marrëveshje për mbështetjen financiare të Luginës së Preshevës.
Lajmin e dha ministri i Jashtëm në detyrë, Gent Cakaj me anë të një postimi në “Facebook”. Ai paralajmëroi se asgjë nuk do të mbarojë me kaq.
“Kjo është thjesht e mrekullueshme 😊: Republika e Kosovës dhe Republika e Shqipërisë janë marrë vesh për kryerjen e menjëhershme të të gjitha punëve teknike për të ngritur fondin ndërshtetëror për mbështetjen financiare të Luginës së Preshevës 🇦🇱🇽🇰! Të mbahet parasysh: asgjë nuk përfundon këtu. Mbështetja jonë për Luginën e Preshevës dhe ngritja e çështjeve të shqiptarëve atje, do të vazhdojë pakursyer e në çdo rrafsh të mundshëm. #JemiNjë #BashkëPaKufi.”
