Shqipëria dhe Maqedonia e Veriut do të kenë një marrëveshje të përbashkët për menaxhimin e ujërave të liqenit të Ohrit.
Një gjë e tillë është bërë me dije nga ministri Bledi Çuçi dhe homologu i tij Arianit Hoxha nga fshati Lin të Pogradecit ku kanë qenë të pranishëm në procesin e rastit të koranit në liqenin e Ohrit.
Sipas ministrit Çuçi brenda një muaji do të nënshkruhet një marrëveshje me Maqedoninë e Veriut për menaxhimin e përbashkët të peshkimit në mënyrë të qëndrueshme në liqenin e Ohrit.
Marrëveshja do të përcaktojë të gjitha detajet nga të dy krahët duke pasur kështu të njëjtin regjim jo vetëm sa i takon kohës së peshkimit, por edhe sa i takon monitorimit të përbashkët të të gjithë procesit të peshkimit në këtë liqen.
Nga ana tjetër edhe homologu maqedonas ka bërë me dije se të dyja palët janë në procedurë për nënshkrimin e marrëveshjes së përbashkët për mbrojtjen e liqenit të Ohrit, për menaxhimin e kësaj pasurie natyrore.
Ministri Çuçi gjithashtu është ndalur edhe tek peshkimi i paligjshëm, fenomen i cili duhet luftuar nga të gjithë që nga peshkatarët e ndershëm edhe deri tek pushteti lokal.
Ashtu siç ka bërë me dije se së shpejti në të gjitha brigjet detare dhe liqenore do të ketë limane për peshkatarët, 3 prej të të cilëve për peshkatarët pogradecarë.
Vetëm ditën e sotme në ujërat e liqenit të Ohrit vetëm në palën shqiptare janë hedhur 1milion e 700 mijë rasat të koranit, shifër kjo më e larta e viteve të fundit.
