Shpërthejnë telefonat e Hesbollah, disa viktima e mijëra të plagosur. Grupi militant akuzon Izraelin

Të paktën 15 persona kanë mbetur të vdekur, ndërsa rreth 3 mijë të tjerë janë plagosur në Liban. ky bilanc i rëndë erdhi si pasojë e shpërthimit të pajisjeve të komunikimit, të përdorura nga grupi Hesbollah.

Shpërthimet ndodhën në Bejrutin jugor dhe në disa zona të tjera të vendit.

Hesbollahu, akuzoi menjëherë Izraelin për sulmin.

“Ky armik tradhtar dhe kriminel do të marrë pa diskutim dënimin e merituar për këtë sulm mëkatar, e pret ose jo”, thuhet në reagim.

Sipas mediave të huaja bëhet fjalë për një sulm kibernetik të koordinuar, që kishte objektiv pajisjet e vogla komunikuese, por edhe telefonat celularë.

Ky sulm i kësaj natyre dhe shkalle shënon një goditje të fortë për sigurine e Hesbollah. /Vizionplus.tv/