Një aksident me pasoja tragjike është shënuar këtë të premte në Greqi, në Kefalonia. Dy të rinj, të moshave 20 dhe 16 vjeç, si dhe një i moshuar kanë humbur.
Mediet greke raportojnë se dy të rinjtë ishin duke udhëtuar me motor dhe në një moment humbën kontrollin për shkak të shpejtësisë, duke marrë përpara një këmbësor të moshuar.
Pas ngjarjes, familjarë dhe miq të viktimave kanë ndezur qirinj në vendin ku ndodhi aksidenti.
