Maqedonia e Veriut ka shpallur gjendjen e jashtëzakonshme për herë të parë në historinë e vendit, pasi numri i i të infektuarve me koronavirus ka shkuar në 35, mes tyre dy mjekë dhe dy infermiere nga Dibra e madhe
Presidenti Stevo Pendarovski pasi miratoi kërkesën e qeverisë bëri të ditur se tashmë ekzekutivi ka të drejtë të përdorë të gjitha burimet për të luftuar pandeminë.
STEVO PENDAROVSKI
PRESIDENT I MAQEDONISE SE VERIUT
“Pushteti ekzekutiv do të ketë kompetenca të zgjeruara dhe do të mund t’i shfrytëzojë të gjithë resurset e shtetit, përsëris, të gjitha, edhe shtetërore, edhe ato private. Në situatë të jashtëzakonshme, qeveria teknike do të mund të sjellë urdhëresa me fuqinë e ligjit me qëllim që të aplikojë kufizime më të mëdha në lëvizjen e qytetarëve dhe veçanërisht të sigurojë mjete më të mëdha për mbështetjen e ekonomisë e cila hyn në një periudhë krize.”
