Kombëtarja shqiptare e futbollit për moshën U-21 ka njohur këtë të enjte rivalët e saj në eliminatoret e Kampionatit Europian 2023.
Shorti i hedhur në selinë e UEFA-s, në Nion të Zvicrës, e vendosi Shqipërinë në Grupin G, bashkë me Anglinë, Republikën Çeke, Slloveninë, Kosovën dhe Andorrën.
Ndeshjet e grupeve të Europianit për moshën U-21 do të luhen duke filluar nga muaji mars 2021 e deri në qershor të vitit 2022, ndërsa ndeshjet e fazës play-off do të luhen në shtator të vitit 2022.
Faza finale e këtij turneu do të zhvillohet në muajt qershor-korrik 2023.
Shorti i sotëm përcaktoi 9 grupet e fazës eliminatore të Europianit, nga të cilat 8 janë me nga 6 skuadra, ndërsa një grup ka 5 skuadra.
