Shorti i cerekfinaleve të Uefa Champions League I hedhur në Nion të Zvicrës sikurse edhe pritej ka rezervuar përballje spektakolare.
Dueli më i fortë në leter të paktën është Barcelona-Manchester United nderkohe qe do te kemi edhe nje derbi brenda ishullit, pikerisht Tottenham-Manchester City.
Short I pelqyeshem për Juventusin favorit, teksa bardhezinjtë kanë pëshkuar Ajaksin që nxorri jashtë Realin. Italianet kanë shmangur rivale si Barcelona, Liverpool apo Manchester City.
Me shumë fat në short edhe finalistja e edicionit të kaluar Liverpool e cila gjen përballe rivalin më të lehtë në leter,Porto.
Por paralelisht me duelet cerekfinale janë llogaritur edhe përplasjet e mundshme në gjysmëfinale.
Kështu fituesi i ciftit Tottenham-Manchester City do të përplaset me fituesin e ciftit Juventus-Ajaks.
Nga ana tjeter skuadra që do të dalë fituese nga dueli Barcelona-Manchester United do të kenë punë me fituesin e ciftit Liverpool-Porto.
Takimet e para të cerekfinaleve do të luhen në datat 9 dhe 10 prill ndërsa ato të kthimit pas një jave, konkretisht me 16 dhe 17 prill.
Të 4 duelet me sistem vajtje ardhje do të transmetohen ekskluzivisht në platformen Tring.
