Shoqëruar nga përfaqësuesit e tij ligjor, del fotoja e parë e Trump përballë trupës gjykuese
Kjo foto e siguruar nga media ndërkombëtare CNN tregon ish-presidentin Donald Trump të rrethuar nga avokatët e tij brenda Gjykatës Penale të Manhatanit.
Ish presidenti amerikan ka hyrë në sallën e gjyqit në katin e 15-të të godinës së Gjykatave Penale Manhattan.
Gjykimi i tij, para gjyqtarit Juan Manuel Merchan, pritet të fillojë së shpejti.
Ai nuk ka thënë asgjë për mediat e mbledhura teksa ka hyrë në sallë, ndërsa ka përshëndetur të pranishmit që ishin mbledhur përpara institucionit, i cili do ta gjykojë atë.
Vetëm pesë fotografë do të lejohen në sallën e gjyqit me Donald Trump përpara seancës dëgjimore dhe vetëm fotografitë e palëvizshme lejohen të bëhen, ndërsa nuk do të lejohet asnjë video.
Ekspertët parashikojnë që takimi i Trump me gjyqtarin të jetë i shkurtër, pasi ai dhe ekipi i tij ligjor tashmë kanë lexuar aktakuzën.
