Një aksident rrugor është regjistruar mbrëmjen e sotme në Durrës.
Shoferi i një automjeti që po lëvizte me shpejtësi të madhe, ka dalë nga rruga dhe ka përfunduar në kanalin e ujërave të zeza.
Aksidenti ka ndodhur në lagjen 16 të qytetit të Durrësit, ku drejtuesi ka humbur kontrollin mbi automjetin tip “Seat”.
Është dashur ndërhyrja e zjarrfikësve për të nxjerrë tre pasagjerët e bllokuar.
Autoritetet konfirmojnë se tre të plagosurit, identitetet e të cilëve ende nuk janë bërë të ditur, kanë pësuar lëndime të lehta dhe ndodhen në spital jashtë rrezikut për jetën./vizionplus.tv
