Një grua shqiptare ka gjetur vdekjen pas një aksidenti automobilistik në Itali.
42-vjeçarja e identifikuar si Edmonda Boka është përplasur nga një shofer i ri i moshës 18-vjeçare.
Mediat italiane raportojnë se shqiptarja sapo zbriti nga makina e saj është përplasur nga 18-vjeçari, një shofer fillestar. Menjëherë në vendin e ngjarjes ka shkuar policia dhe ambulanca së bashku me një helikopter, por nuk kanë mundur të mbajnë në jetë shqiptaren.
Mjeku që ndodhej në bordin e helikopterit konfirmoi se gruaja shqiptare kishte ndërruar jetë.
Autoritetet po punojnë për të zbardhur rrethanat e aksidentit që i morën jetën 42-vjeçares Edmonda Boka./vizionplus.tv