Shoferët nuk “zënë mend” për shpejtësinë, policia heq patenta dhe përdor prangat

Shoferët vazhdojnë të jenë të pabindur për shpejtësinë në rrugë.

Policia Rrugore në 24 orët e fundit pezulloi 41 leje drejtimi nga të cilat 25 për shpejtësi mbi normat e lejuara që varionin nga 152 km/h në Levan -Vlorë, 154 km/h në Tiranë-Elbasan gjatë natës, dhe deri në 185 km/h në Bypass-in e Fierit.

16 patenta të tjera u hoqën për drejtim mjeti nën efektin e alkoolit apo në gjendje të dehur deri në masën 1.43 mg/l në Tiranë. Po ashtu, efektivët vunë në pranga nëntë drejtues mjetesh dhe motomjetesh.