Policia Rrugore e Tiranes ka shtuar kontrollet në fundjavë në aksin e rëndësishëm dhe me shumë lëvizje të rrugës interurbane Tiranë-Durrës. Uniformat blu kanë përdorur radarët me qëllim identifikimin e shkelesve të kodit rrugor me qëllim parandalimin e aksidenteve.
Prej ores 20.00 te mbremjes të së premtes e deri ne oren 02.00 te mengjesit te kësaj të shtunë policia rrugore ka konstatuar 21 raste te tejkalimit te shpejtesise deri ne dyfish mbi normen e lejuar.
Shpejtesia e këtyre mjeteve varionte nga 150 km/h deri ne 176 km/h, duke u kthyer ne rrezik potencial per sigurine e jetes.
Policia e kryeqytetit bëri të ditur se do të vijoje kontrollet pergjate fundjaves me sherbime te shtuara duke perdorur radarin e dragerat, me qellimin e vetem, sigurine e jetes ne rruge.
