Ronaldo Luís Nazário de Lima, ose siç jemi mësuar ne ta thërrasim thjesht “Ronaldo” ka nisur pushimet.
Ashtu si të gjithë fenomeni ka zgjedhur plazhin, për t’iu larguar sado pak këtyre ditëve të nxehta që kanë pushtuar gjithë vendin e tij. Por ndryshe nga personazhet e tjerë të famshëm, që këto pushime i kanë shfrytëzuar paksa edhe për të treguar linjat e tyre trupore, me legjendën e futbollit brazilian nuk ka ndodhur kështu.
Ai është fotografur teksa bënte xhiro bregdetit me një palë pantallona të kuqe dhe me një këmishë të freskët të bardhë. Arsyeja? Ju e dini shumë mirë dhe është lehtësisht e dallueshme.
Format trupore të Ronaldos jo vetëm lënë për të dëshiruar, por sa vijnë dhe përkeqësohen. 40-vjeçari ka shtuar shumë peshe, dhe duket se e vuan këtë fakt, pasi në të kundërtën edhe do ishte zhveshur për të marrë rreze në Ibiza.
