Gazetari dhe analisti Armir Shkurti, në studion e QUO VADIS në Vizion Plus, tha me nota humori se policët që shoqëruan Altin Ndocin në spital, mund ta kenë interpretuar fjalën “shoqërimin” në kuptimin e parë.
Ai theksoi se Ndoci u arratis para dy ditësh, ndërkohë që sot kishte gjyqin. Kjo sipas analistit ka ngritur pikëpyetje se mund të kenë dashur që t’a ekzekutojnë Altin Ndocin.
Pjesë nga biseda:
Borakaj: Një i person me rrezikshmëri të lartë, si Altin Ndoci, shkon me 3 shoqërues, ndërkohë që Erion Veliajn e shoqërojnë 12 persona.
Shkurti: Po e kthejnë në komike pak këtë situatë. Ata punonjës mesa duket e kanë marrë në kuptimin e parë fjalën “shoqërim”, e kanë mbajtur me muhabet Ndocin. E di ça më bënë përshtypje. Ai ka ikur pardje, ndërkohë që sot kishte gjyqin. Mos kanë dashur t’a heqin qafe. Burgjet kanë streset e tyre, duke nisur për stafin që nga paga, trajnimet, presioni i korrupsionit. Nëse ka pasur bashkëpunim, nuk mendoj se i kanë dhënë veç një drekë rojes. Në një burg, në një qytet si Durrësi, mirë që u përmbys gjithë qyteti, por e vuajtën edhe ata brenda në burg. Dhe ata policë që e shoqëruan mund të kenë qenë pa gjumë dhe të lodhur.
/vizionplus.tv
