Artion Ropi rreth 55 vjeç, oficer policie në komisariatin e policisë së Korçës, së bashku me një grup policësh të tjerë, kanë shkuar ditën e sotme, për një kontroll të planizuarl, për kontrollin e territorit në fshatin Voskop të Bashkisë së Korçës.
Qëllimi i këtij kontrolli, bëjnë me dije burime zyrtare, ka qënë parandalimi i kultivimit të bimëve narkotike.
Gjatë kohës që kryente shërbimin, sipas të njëjtave burime, 55- vjeçari ka shfaqur probleme shëndetësore dhe për pasojë është rrëzuar në rrugë, duke pësuar frakturë në kokë.
Nisur nga gjendja e oficerit të policisë, mjekët ë Korçës kanë bërë transportimin e tij drejt kryeqytetit për mjekim më të specializuar.
Burime pranë këtij spitali, thanë se 55 vjeçari Artion Ropi, ndodhet në gjendje të stabilizuar, jashtë rrezikut për jetën.
Korçë/Informacion paraprak
Rreth orës 13:00, në fshatin Voskop, Korçë, punonjësit të Komisariatit të Policisë Korçë, shtetasit A. R., të planizuar për kontrollin e territorit, me qëllim parandalimin e kultivimit të bimëve narkotike, gjatë kohës që kryente shërbimin, i janë shfaqur probleme shëndetësore dhe për pasojë, është rrëzuar në rrugë dhe ka pësuar frakturë në kokë.
Aktualisht, punonjësi i Policisë ndodhet në spitalin e Korçës, në kujdesin e mjekëve dhe më pas do të transportohet në Tiranë, për mjekim të specializuar.
