Shkatërrohet banda shqiptaro-italiane e trafikut të drogës

Dy shqiptarë të tjere dhe dy italianë  janë arrestuar gjatë vazhdimit të operacionit “Bogota 2” kundër trafikut të drogës Shqipëri-Itali.

Në pranga kanë rënë shqiptaret me iniciale  E.L. 38 vjec si dhe M.M. 29 vjec dhe po ashtu italianet M.A.D. 49 vjec si dhe F.E.V 35 vjec.

Hetimet e nisura prej kohësh nga antimafia e Lecces mbi trafikun e drogës mes një bande shqiptarësh dhe grupeve kriminale me baze ne Lecce dhe Brindisi kanë futur në hetim në total 51 shtetas shqiptarë dhe italianë, nga të cilët 10 janë arrestuar në flagrancë.

Në kuadër të këtij operacioni janë sekuestruar në total 600 kg marijuanë, 21 kg hashash, 2 kg kokaine dhe 21 kg heroine.

Po ashtu janë sekuestruar edhe skafe, makina dhe furgone që sherbenin për transportin e droges.