Një super operacion i policisë italiane ka cuar në prangosjen e 33 trafikantëve të lëndëve narkotike, të llojit kokainë dhe kanabis. Sikurse bëhet me dije gjashtë prej të ndaluarve janë shqiptarë, ndërsa të tjerët trafikantë italianë.
Aksioni i koduar me emrin “Old Story Eden” është zhvilluar njëherësh në të paktën katër qytete, kryesisht në Milano, Treviso, Varese dhe Trieste.
Në cilësinë e provës materiale janë sekuestruar 22 kilogramë kokainë, 30 kilogramë marijuanë, 1.5 kilogramë hashash, disa armë zjarri dhe gjysmë milion euro para cash.
