Prokurori i Tiranës, Genci Qana është shkarkuar sot nga detyra. Vendimi është dhënë nga Komisioni i Pavarur i Kualifikimit.
Qana kishte probleme me pasurinë e tij dhe nuk arriti t’i justifikonte përpara trupës gjykuese.
Një tjetër ngërç ishte dhe pastërtia profesionale.
Përveç pasurisë, Qana kishte edhe probleme me dosjet që kishte hetuar. Një nga dosjet që la hije dyshimi ishte vendimi për të pushuar një çështje për një aksident me pasojë vdekjen në punë.
Sa i takon pasurisë, Qana nuk justifikoi dot 3.4 milionë lekë për periudhën nga 2003 deri në 2016.
Qana më herët ka qenë prokuror pranë Krimeve të Rënda, ndërkohë ka mbajtur postin e drejtuesit të Prokurorisë së Tiranës, pas shkarkimit të Dritan Rreshkës nga Vettingu.
