Shkarkohet nga detyra drejtori i burgut të Drenovës

Drejtori i burgut të Drenovës, Altin Gusho është shkarkuar nga detyra këtë të mërkurë. Altin Gusho e mbante këtë post prej dy vitesh. Më herët ai ka mbajtur postin e shefit të policisë të burgu të Drenovës për 1 vit.

Sipas informacioneve, detyra e tij do t’i kalojë Durim Toskës. Toska ka mbajtur deri më tani postin e drejtorit të Inspektoriatit të Mbrojtjes së Territorit në Bashkinë e Pogradecit. Ndërsa më herët, Toska ka qenë pjesë e Policisë së Shtetit. Emërimi i tij pritet të zyrtarizohet në ditët në vazhdim.