Shkarkohet Drejtori i Përgjithshëm i Burgjeve, ja kush e zëvendëson

Ministri i Drejtësisë, Ulsi Manja ka propozuar këtë të premte shkarkimin e Drejtorit të Përgjithshëm të Burgjeve, Agim Ismaili.

Në vend të tij është emëruar Admir Abrija. Ky i fundit ka qenë Prefekti i Tiranës në vitin 2017, ndërsa më parë ka mbajtur poste drejtuese në Gardën e Republikës dhe në Policinë e Shtetit.

Në gusht të këtij viti, kujtojmë se Kontrolli i Lartë i Shtetit ka kërkuar nga Ministria e Drejtësisë shkarkimin nga detyra të Ismailit dhe të 3 zyrtarëve të tjerë në lidhje me një tender për ushqimin në burgje dhe për furnizim me ilaçe.