Shkarkohen drejtorët e burgjeve në Berat e Kavajë
Kur kane mbetur edhe katër dite nga zgjedhjet e përgjithshme te 25 qershorit, thellohen përplasjet mes administratës se re te drejtuar nga ministrat teknike dhe asaj ekzistuese. Ministri i drejtësisë, Gazmend Bardhi shkarkon nga detyra dy drejtoret e burgjeve, te Beratit dhe te Kavajës. Vendimi është marre pas përfshirjes ne fushate dhe përdorimit te institucionit per veprimtari politike. Po ashtu kreu i drejtësisë ka pranuar edhe dorëheqjen nga detyra per drejtorin e burgut te Elbasanit.
Përplasje ka edhe ne Ministrinë e Arsimit. Zëvendësministri Gert Janqi kundërshton pezullimet nga detyra ne te paktën 10 drejtori arsimore.
Ndërsa zv/kryeministrja Ledina Mandija ka kallëzuar ne prokurori, Drejtorinë e Ujësjellës Kanalizimeve Durrës, me arsyen se gjate 25 majit deri ne 13 qershor, ne ketë institucion jane kryer punësime te kryera ne shkelje te kodit elektoral. Denoncimi tjetër i zv/kryeministres është ndaj punësimeve ne shoqërinë Albpetrol sh.a, e cila është nen varësinë e Ministrisë se Energjisë dhe Industrisë. Ne kete institucion jane punësuar 18 persona pas dates 26 maj, ne shkelje te kodit elektoral. Referimi i radhës ne prokurori i zv/kryeministres Mandija është ndaj drejtorisë se përgjithshme te hekurudhave. Grupi i kontrollit verifikoi qe pas dates 26 maj jane punësuar 20 persona. Sipas Kodit Zgjedhor gjate fushatës ndalohet marrja ne pune dhe lirimi nga detyra.
