Reshjet që kanë përfshirë vendin kanë dhënë ndikim pozitiv në situatën hidrike në hidrocentrale.
Vetëm për 8 orë, janë regjistruar 296 milimetra reshje në Fierzë, duke rritur edhe nivelin e kaskadës, me afro 1 metër.
Sipas të dhënave zyrtare, prurjet do të jenë të larta përgjatë gjithë kësaj të shtune, për të patur një rënie graduale ditën e dielë.
Prurjet në Fierzë, Koman dhe Vaun e Dejës kanë arritur në nivele rekord deri në një mijë metër kub në sekondë.
Si pasojë e kësaj situate prodhimi i energjisë është fokusuar ne hidrocentralet e Komanit dhe Vaut të Dejës, ndërsa në Fierzë po ruhet niveli i rezervës.
Reshjet janë shoqëruar edhe me ulje të temperaturave, e për rrjedhoje edhe niveli i konsumit të popullatës ka rënë në 12 mijë megavat/orë në ditë. Furnizimi nga ana tjetër po sigurohet më së shumti me importin e kryer nga korporata elektro-energjetike.