Komisioni i reformës zgjedhore ka diskutuar nje prej problematikave me te mprehta te proceseve elektorale ne vend, shit blerjen e votës. Ekspertet e këshillit te europes kane sjelle eksperiencën si mund te luftohet ky fenomen duke nisur nga format e blerjes se votës, tek shtresat e popullsise qe preken me shume, e deri tek arsyet pse qytetaret e shesin votën. Per Quentin Reed ekspert i Këshillit te Europes, beteja kundër shitblerjes se votës duhet te shtrihet ne shume plane.
Quentin Reed: Ndërgjegjësim, ndjekje penale dhe angazhim i vërtetë nga partitë politike për t’i luftuar këto fenomene.
Ndërsa eksperti Antonio Korbo ka sjelle eksperiencën italiane duke u fokusuar tek paratë qe partite dhe kandidatet shpenzojnë gjate fushatave elektorale
Antonio Korbo: Të gjithë kandidatët kanë detyrim të paraqesin bilancin e shpenzimeve zgjedhore. Kandidati që nuk e bën i hiqet mandati. Në rastin që ka shpenzuar dyfishin ose nuk bën deklarimin, vendosen sanksione që heqin mandatin.
Bashkëkryetari socialist i reformës Bledi Cuci ka theksuar se shitblerja e votës nuk eshte çështja e nje partie apo individi, por eshte nje ceshtje e te gjithe shqiptareve dhe ky fenomen duhet minimizuar sa me shume ne mënyrë qe zgjedhjet te zhvillohen sipas standardeve te OSBE/ODIHR.
Ndersa bashkëkryetari demokrat i komisionit te reformës zgjedhore Oerd Bylykbashi theksoi se sado mire qe te shkruhet ligji elektoral, ai nuk do te jete kurrë i mjaftueshëm nëse nuk ka vullnet politik per te luftuar shitblerjen e votës.
