Një 21 vjecar shqiptar është arrestuar për të disatën herë nga policia italiane.
I riu I njohur si person me precedente penale për droge dhe krime të tjera, përfundoi këtë herë në prangat e policisë në zonën e San Basilios, në periferi të Romës.
Forcat e rendit dyshonin në aktivitetin e tij si shpërndarës drogë dhe shkuan të kontrollonin banesen e tij në rrugën “Morrovalle” ku ai qëndronte në arrest shtëpie për të tjera akuza që kishte nën kurriz. Gjatë kontrollit të banesës, 21 vjecarit shqiptar iu gjeten 160 gram kanabis e ndarë në disa zona gati për shitje.
Tani listës së krimeve të tij ordinere I shtohet edhe ajo e mbajtjes dhe shitjes se lendeve narkotike.
