Shisnin kanabis, pranga vëllezërve në Lezhë

Dy vëllezër kanë rënë në prangat e policisë së Lezhës, pasi shpërndanin lëndë narkotike në doza të vogla.

Sipas policisë ndalimi i vëllezërve K.Gj., 20 vjeç dhe E.Gj., 22 vjeç, është bërë në lagjen “Besëlidhja” Lezhë.

Si rezultat i kontrollit Policia gjeti dhe  sekuestroi në cilësinë e provës materiale, një sasi lëndë e dyshuar narkotike cannabis sativa, e ndarë në 37 doza të vogla, gati për shitje si dhe një sasi lekësh të përfituara nga shitja e lëndës narkotike.