Ish deputeti i LSI Shezai Rrokaj i konsideroi tabelat në jug të vendit me gjuhën shqipe në plan të dytë, një turp kombëtar.
Duke dhënë një shpjegim edhe ligjor në lidhje me këtë problematike, Akademiku Rrokaj shton se ky është një rast I paprecedente kur ligji po ndëshkon prestigjin e gjuhës së shumicës, ndryshe nga sa ndodh në anën tjetër të kufirit në Filat, Igumenicë etj.
Tabelat rrugore në Jug: gjuha shqipe në plan të dytë, një turp kombëtar.
Shikoni këto tabela rrugore? Lart greqisht, poshtë shqip. Duhet të ishte e kundërta. Sepse gjuha shqipe është gjuha zyrtare në Kushtetutën tonë. Gjuhët e pakicave gëzojnë të drejta të përdorimit lokal, por jo të jenë parësore karshi gjuhës zyrtare. Kjo është e qartë edhe në Konventën Kuadër të KE-së për Mbrojtjen e Pakicave Kombëtare, ratifikuar me ligjin nr 8496, dt 3.6.1999. Mbrojtja e të drejtave të pakicave, në rastin konkret ajo greke, nuk mund të bëhet në dëm të prestigjit të gjuhës së shumicës që është gjuhë zyrtare. Ligji për Pakicat Kombëtare, që u miratua në Kuvend para gati një viti kishte shumë probleme të kësaj natyre, të cilat i kam ngritur gjatë diskutimit të tij. Pata theksuar, ndër të tjera, lidhur me përgjegjësitë që do kishte Këshilli i Ministrave dhe institucionet e tjera për zbatimin korrekt të tij. Ky është një rast i paprecedentë, kur ligji po ndëshkon prestigjin e gjuhës së shumicës, kurse sa për tabelat rrugore edhe në gjuhën shqipe në Prevezë, Igumenicë, Filat etj., kjo e drejtë s’është e drejtë.
