Detaje të reja janë zbardhur nga konflikti i ndodhur mes disa të rinjve në Korçë, ku një 16-vjeçar ka mbetur i plagosur.
I mituri, me inicialet E.B., dyshohet se është goditur me mjet prerës (thikë) gjatë përplasjes. Ai është transportuar menjëherë në spitalin e Korçës, ku ndodhet nën kujdesin e mjekëve dhe, fatmirësisht, jashtë rrezikut për jetën.
Burime spitalore bëjnë me dije se 16-vjeçari po merr trajtimin e nevojshëm mjekësor, ndërsa gjendja e tij paraqitet e stabilizuar.
Ndërkohë, autoritetet policore kanë nisur hetimet për zbardhjen e plotë të rrethanave të ngjarjes. Grupi hetimor po merr edhe dëshminë paraprake të të dëmtuarit, me qëllim identifikimin e autorëve dhe sqarimin e motiveve të konfliktit.
/vizionplus.tv
