Tension dhe duar të zgjatura mes lojtarëve të Luftëtarit në fundlojë. Pas humbjes me Skënderbeun dhe agravimin e situatës përsa i përket renditjes, ka çuar lojtarët gjirokastritë drejt një situate të pazakontë.
Në fund të takimit lojtarët janë dukur të nervozuar dhe menjëherë pasi kanë hyrë në dhomat e zhveshjes kanë filluar përplasjen me njëri-tjetrin. Dera e zhveshtores është mbyllur brutalisht nga njëri prej futbollistëve dhe këtu ka nisur gjithçka.
Burimet bëjnë me dije se ka pasur jo vetëm përplasje verbale por edhe duar të zgjatura mes lojtarëve që nuk e kanë kapërcyer dot këtë situatë. Një pjesë e lojtarëve akuzonin shokët e ekipit për mosimpenjim dhe angazhim të pakët në këtë takim, duke sjellë kështu një situatë kaotike.
Përplasja mes futbollistëve është pranuar edhe nga trajenti i Luftëtarit, Novi, i cili ka justifikuar ekipin me faktin se në kushte të tilla kur mungojnë rezultatet përplasjet janë normale.
