Një 39 vjeçar baba i katër fëmijëve është goditur me sopatë nga kushëriri i tij, pasi i dhunoi babain për shkak të një sipërfaqe prej 100 metra tokë.
Ngjarja ka ndodhur këtë të shtunë në Mallakastër, ku konflikti mes vëllezërve mund të përfundonte në një tragjedi.
Nga spitali, i plagosuri Sokol Lalaj tregon të gjithë ngjarjen dhe bën thirrje për drejtësi. 39 vjeçari rrëfen se e gjithë skena ku ai u qëllua nga kushëriri i tij ndodhi përpara komisariatit të policisë së Ballshit.
“E gjithë ngjarja ndodhi te dera e policisë. Policia hyri në momentin kur e pa që sopata i doli nga vendi. Në atë moment iu kundërvura unë edhe në moment e pa policia që brodhi me vrap e zuri policia dhe e futën brenda”.
Ndërkaq, i plagosuri ka rrëgye edhe shkakun e nisjes së sherrit që sipas tij është bërë një sipërfaqe toke prej 100 metër katrorë e mbjellë ullinj, për të cilën nuk kanë gjetur zgjidhje edhe në rrugë ligjore.
