Një tjetër sherr mes të miturve ka ndodhur ditën e sotme, ku është lënduar lehtë njëri prej tyre.
Policia bën me dije se dy të mitur janë konfliktuar teksa po loznin futboll dhe pas sherrit njëri ka mbetur i lënduar me gur.
I mituri po merr ndihmë mjekësore, ndërsa 12-vjeçari tjetër, së bashku me prindin, është shoqëruar në Komisariat.
Njoftimi:
Rreth orës 14:00, në fshatin Bulgarec, dy të mitur 12 vjeçar gjatë lojës (futboll), janë konfliktuar me njëri-tjetrin.
Nga konflikti është dëmtuar lehtë me gur njëri prej tyre, i cili po merr mjekim në spital pa probleme për jetën.
12-vjeçari tjetër, së bashku me prindin, është shoqëruar në Komisariat.
Grupi hetimor po punon për sqarimin e rrethanave të rastit.
Kujtojmë që një ditë më parë në Tiranë një 14-vjeçar humbi jetën pas një sherri me thika, ndërsa dy të tjerë mbetën të plagosur.
