Forca të shumta policie kanë rrethuar mëngjesin e sotëm zonën e 5 Majit në Tiranë, ku IKMT pritet të shembë disa banesa.
Ndërkohë banorët kanë protestuar, duke u zënë rrugën fadromave të IKMT-së për të bllokuar procesin e shembjeve në kuadër të procesit të rindërtimit.
Ata kundërshtojnë shembjen e banesave, pasi nuk janë dakordësuar me marrëveshjen me bashkinë. Gjatë ditës së sotme është parashikuar shembja e 3 banesave, dhe më pas procesi do të vijojë edhe me godina të tjera në ditët në vijim.
