Subscribe

Pak javë para zgjedhjeve në 6 bashkitë e vendit, kreu i LZHK bën apel për krijimin e një fronti opozitar, ku të jenë së bashku Sali Berisha dhe Lulzim Basha.

 

Sipas Shehit, bashkimi i PD dhe i të gjitha partive opozitare është e vetmja rrugë për të fituar në betejën e afërt zgjedhore.

 

DASHAMIR SHEHI
KRYETAR I LZHK

“Ca të grupit të Berishës, ca të grupit të Bashës, ca nga ne të tjerët, mund të bëhet një komision I cili përzgjedh 6 kandidaturat. Kjo është formula më e mirë për të bashkëpunuar. Për ne është e rëndësishme të fitojmë, sepse nëse do humbi këtë herë, dhe me 3-4 kandidatura është e sigurt që do humbasim, ne pas ditës së zgjedhjeve ndajmë aksione më të vogla opozitare.”

 

Pas humbjes se zgjedhjeve të 25 prillit, Lulzim Basha nuk ka thirrur asnjëherë aleatët e tij dhe Shehi konfirmon se nuk e ka takuar as liderin historik të PD Sali Berisha. Shehi thekson se në rast se demokratët hyjnë të përçarë në zgjedhje, ai nuk do të bashkëpunojë me asnjërin.

 

“ Nqs këtë garë duan të bëjnë therror për sherret që kanë brenda, për të treguar kush është më i fortë, ky do ishte një gabim i madh. Kush pastaj do t’i përdorë këto partitë aleate, eja me mua që ti biem atij tjetrit, kjo pastaj është mish për top, unë nuk e pranoj.”

 

Ideja e kreut të LZHK Shehi për bashkimin e Berishës, Bashës, LSI dhe të gjitha partive të tjera në një koalicion duket e pamundur të arrihet në situatën, ku përçarja në PD është më e thellë se asnjëherë më parë dhe duket se në këto zgjedhje lokale opozita do të ketë kandidatë të Sali Berishës dhe kandidatët të Lulzim Bashës.

Leave a Reply

Your email address will not be published. Required fields are marked *