Shefja e ONM-së në Shqipëri, Genoveva Ruiz Calavera e ka cilësuar një hap të rëndësishëm emërimin e Aida Hajnajt në krye të Byrosë Kombëtare të Hetimit.
Ajo shpërndau në “Twitter” statusin e ambasadorit të BE-së në Tiranë, Luigi Soreca, teksa shprehej se ky emërim i rëndësishëm “kontribuon në forcimin e mëtejshëm të kapaciteteve operacionale të zbatimit të ligjit në Shqipëri për të luftuar kimin dhe për të përfunduar krijimin e strukturave të specializuara kundër korrupsionit dhe krimit të organizuar të reformës në drejtësi”.
‘’Një tjetër hap i rëndësishëm në zbatimin e reformës në drejtësi në Shqipëri’’, shkruan Calavera.
Për Aida Hajnajn, mësohet se anëtarët votuan me 9 vota pro. Ajo u propozua nga SPAK, pasi 3 rivalët e tjerë të saj ishin skualifikuar.
