“Vladimir Putin ka hequr dorë nga marrja e Kievit”.
Kështu pretendon ministri i Mbrojtjes i SHBA-së, Lloyd Austin, sipas të cilit presidenti rus “mendoi se mund të pushtonte shumë shpejt Ukrainën, ta kapte shumë shpejt këtë kryeqytet.
“ Ai gaboi. Unë mendoj se Putini hoqi dorë nga përpjekjet e tij për të marrë nën kontroll. kryeqytetin dhe tani është fokusuar në jug dhe në lindje të vendit”, u shpreh Austin.
Këtë të premte forcat ruse kanë përfunduar tërheqjen nga veriu i Ukrainës sipas një lajmi të bërë të ditur nga Ministria Britanike e Mbrojtjes.
Po ky burim bëri të ditur se këto njësi do të rigrupohen në frontin lindor, por zhvendosja do të zgjasë të paktën një javë.