Vazhdon hakmarrja e Presidentit të SHBA-ve Donald Trump ndaj Shërbimeve të inteligjencës Amerikane per hetimin mbi ndërhyrjen e Rusisë në zgjedhjet presidenciale të 2016-tës.
Prokurori i Përgjithshëm i SHBA, Jeff Sessions, ka shkarkuar një ditë para daljes në pension zëvendësdrejtorin e FBI Andrew Mçabe, i cili është kritikuar nga Trump se ka shfaqur “paragjykim” në hetimin në lidhje me raportet e fushatës së tij me Rusinë.
Në vendimin e shkarkimit thuhet se “zëvendës drejtori i FBI Mçabe ka bërë një zbulim të paautorizuar para mediave dhe në disa raste nuk ka qenë i sinqertë”.
Turmp e ka sulmuar edhe më herët Mçabe se është treguar i njëanshëm dhe në favor të Clintonit gjatë hetimeve.
Por, në një reagim para mediave zyrtari i shkarkuar është shkrehur se “sulmi ndaj tij është pjesë e një përpjekjeje të madhe për të dëmtuar FBI-në, zbatuesit e ligjit dhe pjesëtarët e inteligjencës.”
Shkarkimi vjen nëntë muaj pasi Trump largoi James Comey nga pozita e drejtorit të FBI-së për shkak të mënyrës se si po trajtonte hetimin për Rusinë.
