Tensionet mes Shteteteve të Bashkuara të Amerikës dhe Iranit janë në kulmin e tyre. Një anije luftarake e SHBA-ve ka rrëzuar një avion spiun iranian që po fluturonte shumë pran saj. Lajmi u bë I ditur nga Presidenti i SHBA-ve Donald Trump gjatë një konference për shtyp në Shtëpinë e Bardhë.
“Një dron ka kërcënuar sigurinë e anijes tonë dhe ekuipazhit”, tha Trump duke shtuar se SHBA “rezervon ka të drejtë të mbrojtë personelin, objektet dhe interesat e saj”.
Kreu i Shtëpisë së Bardhë bëri thirrjepër një “koalicion” ndërkombëtar për patrullimin e ngushticës. Ngjarja vjen vetëm pak orë pasi forcat e Rojës Revolucionare të Iranit konfiskuan një anije-çisternë të huaj nën akuzat për kontrabandë nafte.
Media shtetërore Iraniane tha se anija e cila mbante në bord 12 antarët e ekuipazhit, ishte kapur të dielën në një pjesë të ngushticës së Hormuzit në jug të ishullit Larak të Iranit, duke kontrabanduar një milion litra karburant.
SHBA fajëson Iranin për një seri sulmesh mbi anijet që kalojnë në Gjirin Persik të cilat Teherani i mohon, si dhe ka kërcënuar se do të mbyllë Ngushticën e Hormuzit, përmes së cilës kalon 1 e pesta e naftës në botë.
