Shtetet e Bashkuara po organizojnë në Varshavë një konferencë për Lindjen e Mesme.
Irani pritet të jetë në fokus të konferencës që ka nisur kete te merkure. Teherani e ka cilësuar mbledhjen si një akt armiqësor dhe paralajmëroi pasoja të paspecifikuara për Poloninë.
Sekretari amerikan i Shtetit, Mike Pompeo dhe ministri i Jashtëm polak, Jacek Czaputowicz, do të jenë mikëpritësit e konferencës dy-ditore, në të cilën pritet të marrin pjesë zyrtarë të lartë nga 60 vende.
Midis pjesëmarrësve janë edhe zëvendëspresidenti i SHBA-së, Mike Pence dhe kryeministri izraelit, Benjamin Netanjahu.
Shefja e politikës së jashtme të Bashkimit Evropian, Federica Mogherini, nuk po merr pjesë në konferencë dhe as ministrat e Jashtëm të fuqive të tjera evropiane, përfshirë Rusinë.
Takimi vjen pasi Polonia po shtyn Shtetet e Bashkuara të hapin një bazë të përhershme në territorin e saj.
Departamenti i Mbrojtjes i SHBA-së pritet të publikojë vlerësimin e tij për propozimin muajin e ardhshëm.
Vizion Plus do te sjelle ne vazhdimesi detaje nga kjo konference nepermjet gazetarit Thimi Samarxhi qe ndjek nga afer punimet e kesaj konference.
