Vënia në zbatim e vendimit të bankës qendrore të Kosovës për të hequr dinarin serb nuk është pritur mirë nga aleati kryesor i Prishtinës, SHBA.
Në një reagim të radhës, DASH nënvizon se është i zhgënjyer nga plani i kosovës për të vazhduar me rregulloren e re ndërsa ka kërkuar sërish shtyrjen.
Lexo edhe :
Related Posts
“Shtetet e Bashkuara i kundërshtojnë planet e tanishme të Kosovës për të vazhduar me zbatimin e vendimit për kufizimin e importit të valutave të huaja, përfshirë të dinarit serb. Ne bëjmë thirrje sërish që zbatimi i këtij vendimi të shtyhet menjëherë derisa të vendosen procedura të kënaqshme në përputhje me standardet evropiane. Vendimi u shpall pa përgatitje apo konsultim adekuat”, thotë DASH.
Më tej në deklaratë thuhet se veprimet e njëanshme kufizojnë mundësitë e SHBA si avokate e Kosovës në arenën ndërkombëtare.
“Qeverisja e mirë dhe partneriteti i mirë ndërkombëtar kërkojnë kohë për t’i vlerësuar pasojat, për t’i dëgjuar perspektivat dhe për t’u konsultuar me të tjetër për gjetjen e një zgjidhjeje funksionale”, shprehet më tej DASH në raport.
Po ashtu, ambasadori amerikan në Kosovë Jeff Hovenier ngritin shqetësimin se çështja e dinarit mund të përshkallëzojë tensionet etnike në vend, pasi prek kryesisht komunitetin e serbëve në veri.
Por megjithë kundërshtimin e SHBA dhe vendeve të tjera të Quintit, Kosova nisi zbatimin e vendimit që një ditë më parë. /vizionplus.tv
