Presidenti amerikan ka shtuar kërcënimet për përvetësimin e territorit të Groenlandës në takimin që mbajti në Shtëpinë e Bardhë me drejtuesit e naftës dhe gazit.
Trump nuk përjashtoi asnjë mënyrë se si do ta bënte të mundur një gjë të tillë.
“Nëse ne nuk e bëjmë, Rusia ose Kina do ta marrin Groenlandën. Dhe ne nuk do ta kemi Rusinë ose Kinën si fqinj. Pra, ne do të bëjmë diçka me Groenlandën, ose në mënyrën e mirë ose në mënyrën më të vështirë”, tha Trump.
Komentet e fundit të Trump vijnë mes tensioneve në rritje mes SHBA-së dhe aleatëve të saj të NATO-S, përfshirë Danimarkën për shkak të përpjekjeve të përsëritura për të marrë kontrollin e territorit autonom të Arktikut.
Qëndrimi i Trump është hedhur poshtë me vendosmëri nga Danimarka dhe Groenlanda.
Gjatë deklaratës, Trump iu përgjigj edhe qortimeve të kryeministres daneze Mette Frederiksen, e cila kishte thënë se një sulm ndaj Grenlandës do të nënkuptonte fundin e NATOs.
“Nëse nuk do të isha unë, nuk do të kishit një NATO tani. Por ne nuk do ta lejojmë Rusinë ose Kinën ta pushtojnë Groelandën, dhe kjo është ajo që do të ndodhë nëse nuk e bëjmë”, u shpreh ai.
Presidenti Trump ka shprehur prej kohësh interes të veçantë për Groenlandën, që në fund të mandatit të tij të parë dhe në nisje të mandatit të dytë. Çështja është rikthyer në vëmendje sërish së fundmi me deklaratat e Trump pas sulmit amerikan në Venezuelë.
/vizionplus.tv
