Rriten ndjeshëm krimet kibernetike në Shqipëri, sidomos njerëzit që janë kërcënuar me publikimin e të dhënave private nga persona që shfrytëzojnë profile false në rrjetet sociale.
Shqetësimi është ngritur nga Policia e Shtetit, e cila thotë se kohët e fundit janë shtuar shume denoncimet e qytetarëve.
Njësia për Hetimin e Krimeve Kompjuterike thotë se autorët, pasi marrin të dhënat e qytetarëve, fillojnë kërcënimet me publikimin e informacioneve kofidenciale dhe kërkojnë në këmbim vlera të ndryshme monetare.
Policia thotë se viktimat janë të grupmoshave të ndryshme, ndaj bën apel që të bëhet kujdes, duke mos i treguar të dhënat personale.