Deputeti i PS, Adnor Shameti këtë të premte në emisionin Kapital në Vizion Plus është shprehur se reforma zgjedhore do të kalojë dhe do të miratohet në Kuvend.
Ndër të tjera ai është shprehur se marrëveshje në këtë rast do të thotë se e gjithë lënda do të kalojë në komisionin e posaçëmtë zgjedhores.
“Reforma zgjedhore do të kalojë vetëm përmes parlamentit. Komisioni i reformës zgjedhore do të përbëhet nga deputetet e mazhorancës dhe ato të opozitës që janë në parlament. Marrëveshja do të thotë se i gjithë lënda do të kalohet në komisionin e posaçëm në komisionin e reformës zgjedhore dhe miratimi në këtë do të ketë gjetur mbështetjen e të gjithë palëve.”
Ish-anëtariii Këshillit Kombëtar të PD, Edvin Kulluri ka thënë ndër të se nisjen e një tryeze të tillë mes palëve politike do të ketë probleme akoma pa nisur.
“Tryeza akoma pa nisur do të ketë probleme. Një grup deputetesh votojnë për mazhorancën, deputetet në parlament bashkë me Hajdarin bien dakord për sistemin e listave të hapura. PD mund të jetë në mëshirë të Ramës pasi deputetet e opozitës parlamentare nuk përkrahin PD-në. Gjëja e parë që unë kam dëgjuar nga opozita parlamentare kanë deklaruar se nuk miratojnë asgjë nëse nuk janë listat e hapura.”
