Në prag të përballjes mjaft të rëndësishme kundër Izraelit, e cila mund të jetë përcaktuese për objektivat e përfaqësueses shqiptare në eliminatoret e botërorit, trajneri i kuqezinjve Gianni de Biasi, deklaron se barazimi nuk është një rezultat i pëlqyeshëm. Gjate koherencës per mediat, numri 1 i pankines kuqezi theksoi se ekipi do të futet në fushën e lojës për fitore dhe ky do të jetë synimi kryesor.

“Ne luajmë gjithnjë për fitore, në këtë pikë nuk ka diskutime, askujt nuk i pëlqen të barazojë, pavarësisht fjalëve paraprake që mund të thotë një trajner. Duhet të jemi të aftë të shfrytëzojmë mundësitë që do të na paraqiten. Më vjen mirë që lojtarët nuk janë dakord me vendin e 3-të kjo tregon se ata kërkojnë gjithnjë më shumë nga vetja, as unë personalisht nuk jam i kënaqur me këtë pozicion. Megjithatë jam i parimit që më shumë duhet të flasim në fushë. Nuk duhet të kënaqemi me veten, por të synojmë gjithnjë rritjen e mëtejshme si skuadër”.

Trajneri i Shqipërisë, nuk la pa përmendur edhe çështjen e sigurisë per ndeshjen me Izraelin.

“Përsa i përket sigurisë, nuk ka asnjë problem, pasi mendoj se siguria është maksimale si brenda ashtu edhe jashtë stadiumit.”

Ndryshe nga De Biasi, trajneri i Izraelit theksoi se do te ishte i kënaqur nese ekipi i tij do te dilte me një pike nga “Elbasan Arena”.

“Për momentin, të dy skuadrat janë me pikë të barabarta në grup. Nuk mendoj se kjo ndeshje mund të vendosë fatin e grupit për dy skuadrat, ka ende edhe shumë të tjera për të luajtur në grupin tonë. Por do të jetë një ndeshje e vështirë ndaj Shqipërisë. Do të luftojmë me të gjatë kualifikueseve për vendin e tretë. E respektojmë skuadrën shqiptare, i kam ndjekur në dy ndeshje nga afër në Europian. Sot të gjithë i njohin të gjithë, janë një skuadër shumë e mirë, bënë një turne të madh në verë në Europë”.

Ndërkohe qe, Federata Shqiptare e Futbollit thotë se sjellja e policisë ndaj tifozerisë do të jetë korrekte, ndërsa vijon normalisht procesi i konvertimit të biletave.

 

 

Leave a Reply

Your email address will not be published.