Revolta e qytetarëve serbë kundër masave të reja te izolimit nga pandemia, ka shpërthyer edhe më masivisht në natën e dytë të protestave të cilat u shpërndanë në shumë qytete të tjera të vendit.
Në Beograd, Novi Sad, Nish e Kragujevc pati përleshje të pashembullta me forcat e policisë. Përveç gazit lotsjellës, autoritetet nuk e përmbajtën dhunën ndaj demonstruesve.
Grupe të të drejtave të njeriut denoncuan brutalitetin e policisë duke e krahasuar me sjellje huliganësh.
Rrugët e kryeqytetit i ngjanin skenës së një lufte në orët e vona të së mërkurës. Demonstruesit dogjën koshat e plehrave, thyen xhamat në ndërtesën e parlamentit, si dhe gjuajtën me fishekzjarrë, gurë, hunj e mjete të tjera të forta ndaj forcave speciale të sigurisë.
Në mesin e protestuesve të cilët u mbështetën nga partitë opozitare, u dëgjuan edhe thirrjet “Tradhtar”.
Në një konferencë për shtyp, presidenti Alexandër Vuçiç i komentoi ato si zëra që duan të prishin përpjekjet për dialogun me Kosoven.
