Senati amerikan ka votuar pas 1 viti e gjysmë planin e presidentit Joe Biden për klimën dhe kujdesin shëndetësor.

 

Paketa ekonomike e këtij plani vlerësohet në 430 miliardë dollarë dhe synon të ngadalësojë ndryshimet klimatike, të kontrollojë kostot e mjekësisë dhe korporatat tatimore. Ky është investim i më i madh në energjinë e pastër në historinë e shteteve te bashkuara.

 

Demokratët e votuan planin në Senat me 51 vota pro dhe 50 kundër ku deçizive ishte ajo e nënpresidentes Kamala Harris. Tashmë projektligji do dërgohet në kongres dhe më pas presidenti Biden pritet të firmos zbatimin e tij.

 

Sipas planit, qeveria do të investojë rreth 375 miliardë dollarë deri në vitin 2030 për luftimit të ndryshimeve klimatike, duke përfshirë investimet në prodhimin e energjisë së rinovueshme dhe zbritjet e taksave për konsumatorët që blejnë mjete elektrike.

 

60 miliardë do të jepen për prodhimin e energjisë së pastër duke përfshirë 30 për industritë që të investojnë në prodhimin e energjisë nga dielli dhe era duke hequr dorë nga energjia fosile, demokratët theksuan se me këtë plan pritet që deri në 2030 emetimet e gazrave në atmosferë të ulem me 40%.

 

Në sektorin e kujdesit shëndetësor plani parashikon të investojë 64 miliardë dollarë që të moshuarit të mos shpenzojnë më shumë se 2 mijë dollarë në vit për të marrë shërbim dhe gjithashtu uljen e çmimit të ilaçeve. Ndërsa korporata do të paguajë së paku 15% taksa .

 

Projektligji u kundërshtua nga republikanët, të cilët thanë se projektligji do të dëmtonte ekonominë dhe do e shtynte atë në recesion pasi taksat ndaj biznesit do të dëmtonin krijimin e vendeve të reja të punës dhe të stimulonin më tej rritjen e çmimeve.

 

Por miratimi i këtij ligji vetëm pak muaj para zgjedhjeve të pjesshme në SHBA pritet të rrisë mbështetjen për demokratët dhe presidentin Biden.

Leave a Reply

Your email address will not be published. Required fields are marked *