Sena përmbyt zemrën e Parisit

Me e keqja nuk ka kaluar ende per Francën dhe Gjermaninë, qe po përballen me përmbytje si pasoje e reshjeve. Sinoptikanet kane parashikuar se kushtet e motit nuk pritet te përmirësohen, te paktën edhe per disa dite. Numri i viktimave ne dy shtetet ka arritur ne 11 dhe mijëra vete janë evakuuar nga shtëpitë. Parisi ndodhet ne alarm pasi lumi Sena pritet te arrije ne 6 metra mbi nivelin normal te tij. Muzeu me i vizituar ne bote, Luvri dhe ai i Orseit janë mbyllur. Stafi i muzeut te Luvrit ka zhvendosur disa prej veprave te artit ne rrezik përmbytjeje. Përveç qindra banesave, objekte historike, statuja dhe kështjella janë rrethuar nga uji dhe disa parqe te kryeqytetit janë përmbytur pjesërisht. Presidenti francez Hollond shpalli gjendjen e jashtëzakonshme për zonat me te prekura, per te cilat jane lëvruar fondet e emergjencës. 25 mije njerëz ne Paris dhe Francën qendrore nuk kane energji elektrike. Edhe ne Gjermani situata është problematike ne disa qytete ne landin e Bavarisë. Disa persona raportohen te zhdukur dhe familjaret janë ne ankth. Demet përllogariten ne qindra miliona euro, pasi janë dëmtuar shtëpi, rruge dhe ura.
Me te njëjtën situate po përballen edhe disa zona ne Belgjike dhe Poloni.