Portieri i Laçit, Gentjan Selmani vlerësoi trajnerin Starova për motivimin shtesë që I ka dhënë lojtarëve pas ardhjes në krye të stolit.
Talenti I portës shqiptare ishte I ftuar në emisionin “Kampionët” në Vizion Plus ku komentoi edhe barazimin e fundit në Tiranë ndaj Partizanit.
Ai pohoi se kurbinasit kishin të gjitha mundësite për të marrë tre pikët, por fati nuk ishte me ta.
Mendoj që grupi është munduar të japë më të mirën. Ardhja e Starovës na ka motivuar pak më shumë. Kemi ndryshuar në fakt edhe stilin e lojës dhe jemi shumë të kënaqur me pikën e marrë ndaj Partizanit. Ndaj të kuqve kishi mundësi të merrnim tre pikë,por nuk ia dolëm dot. Partizani pati disa mungesa dhe ne e patëm studiuar mirë kundërshtarin. Edhe fati nuk ishte shumë me ne.
Selmani pranoi se objektivi I tij është që të luajë jashtë vendit, mirëpo këtë dëshiron tia lëjë kohës. Objektiv I tij është që të punojë fort me Lacin .
Me tej portieri i talentuar tha se nuk ka asnje arsye qe Laci te leshoje ndaj Kastriotit dhe kjo nuk ka per te ndodhur aq me teper qe kurbinasit jane krejtesisht ne loje per te qene ne Europe.
