Selfie vdekjeprurëse, gruaja bie nga kati i 27 në Panama/VIDEO
Një selfie nga kati i 27 ka përfunduar në një tragjedi për një të re në Panama.
Në momentin që ajo ka qenë duke bërë pozën, ka humbur ekuilibrin nga era dhe u rrëzua 27 kate më poshtë. Viktima është një vajzë portugeze. Incidenti, i filmuar në një video dhe që ka bërë xhiron e botës në rrjetet sociale, ndodhi në lagjen rezidenciale të Cangrejo.
Tragjedia u konfirmua nga shërbimet e sigurisë panameze, të cilët në një mesazh në tuiter kanë shkruar: “Mos rrezikoni jetën tuaj për një selfie, është më e rëndësishme të humbni një minutë në jetën tuaj sesa të humbni jetën tuaj në një minutë”. Ndërkohë në lidhje me viktimën nuk dihet informacion tjetër vetëm se quhej Sandra.
Një studim i kohëve të fundit nga Instituti i Shkencave Mjekësore Indiane në Nju Delhi ka zbuluar se 259 persona kanë humbur jetën në përpjekjen për të bërë një selfie që nga tetori 2011 dhe nëntori 2017.
https://www.youtube.com/watch?v=TPFvPkf78iI
