Sekuestrohen pronat e trafikantëve; bllokohen lokale, shuma parash dhe makinat e Gëzim Çelës
SPAK ka sekuestruar 11 pasuritë e 3 trafikantëve: Gëzim Çela, Nderim Çela dhe të Arlind Ismailukajt, të cilët u zbuluan në sajë të operacionit të koduar ‘Flakë në det’.
Mes pasurive të bllokuara, rezulton edhe restoranti ‘Royal Blue’ në zonën e Luginës së Patokut, në pronësi të nipit të Gëzim Çelës.
Vendi në cilin pasi kryhej shkëmbimi i drogës në det të hapur, shërbente si depo e lëndës narkotike. Po ashtu janë sekuestruar 45 mijë euro, 2.5 mln lekë, 4 gomone si dhe 4 makina luksoze.
Vetëm dy ditë më parë drejtori i Policisë së Shtetit Muhamet Rrumbullaku bëri të ditur detaje në lidhje me këtë operacion, në fazën e dytë të tij.
Si rezultat u arrestua shefi i komisariatit të Kurbinit Dritan Metaj ndërsa u shpall në kërkim Arben Dalipaj, Roland Guza dhe Gëzim Cela i njohur si “baroni i drogës”.
