Quajeni si te doni, rastësi apo jo, por faktet në fund të fundit janë kokëforta. Autoritetet islandeze kanë raportuar një fluks shume të lartë, të pazakontë lindjesh në datën 27 mars dhe ketë të martë gjatë datës 28.
Ky fluks ka bërë përshtypje në vendin nordik duke qenë se mesatarja e lindjeve vitet e fundit në këtë shtet ka qenë goxha e vogël. Për të gjetur arsyet e rritjes së pazakontë të lindjeve dy ditët e fundit i kanë çuar mediat islandeze drejt dhënies së një argumenti tejet interesant.
Jemi ekzaktësisht 9 muaj pas triumfit historik të kombëtares islandeze në evropianin e Francës 2 me 1 kundër Anglisë, sukses që i kaloi nordiket në çerekfinale. Mesa duket festa e shfrenuar e islandezeve atë mbrëmje në Nizze pas suksesit historik por edhe ne mbarë Islandën në raportet ne çift, po i jep tani frytet e veta.
Një arsyetim brenda logjikës për më tepër kur përmendet edhe nga një mjek islandez i një materniteti i cili bëri këtë postim në twitter: “Është vërtet një numër rekord, dhe jo rastësisht ky numër rekord i lindjeve vjen ekzaktësisht 9 muaj pas ndeshjes së fituar 2 me 1 kundër Anglisë, shkruante në rrjetin social doktori Asgeir Peter.
